"या श्रावणात जरा"

खूप खूप दिवसांनी…. 
मनाशी खेळलो तर वेदना होणारच,, वरच्या आतल्या जखमातून सावरतांना जणू मी माझ्यातील प्रीतच हरवून बसलो… पण आज परत मिळाली माझी पहिली प्रीत, माझी कविता… 

"या श्रावणात जरा"

सजलेली हिरवीगार धरा,, या श्रावणात जरा ।।
काळ्या काळ्या मेघांसह, साद घाली अम्बरा ।।

हिरवा हिरवा ऋतू, आणि तूची तू हवा,,
एक आठवण तुझी, कितीदा छळते अंतरा ।।

माझी प्रीत कधी 'भू' वर कधी गगनात,,
कधी… थेम्बाथेंबांनी शिरते सागरा ।।

सुखात गरजतो, दुखात बरसतो भरभरा,,
जसा ऊनपावसाचा श्रावण, मी श्रावणाचा जरा ।।

तुझ्या गंधातिल मधुरतेने, आनंदी आनंद नभभर,,
जर तू मनभर तर, कविताही अखंड प्रीतीचा झरा ।।

गार वारा प्रफुल्लीत सारा, स्पर्शून तुला,,
हर्षविते मला, बनून निर्झरा प्रीत वाहते अक्षरा ।।

कधी मनात,, कधी उन्हात,, कधी या श्रावणात जरा,,
कधी तुझ्यात,, कधी माझ्यात,, पण जगतो कवितेत खरा ।।

चैतन्य.....